befunky-collagek

جربت السفر, القريب و البعيد, بالعربية, بالمركب و بالطيارة .. روحت  مسافات بعيدة, بعيدة لدرجة الناحية التانية من الكرة الارضية, وقفت علي قمة جبل بيشوف نهاية العالم من ناحية الهند .. لكن يوم ما سافرت,  سافرت من خلال وشوش ملامحها كافية انها تشرح حالة انبهار, احساس بالرضا, انتظار, حماس .. في وشوش كانت بتحكي انها مستنية وصول القطر علي نار .. و وشوش كان نفسها المشوار ميخلصش , كان فيهم اللي مش فارقله المكان و مستكفي باللي مسافر جمبه, اما بقي الوشوش التايهة; كانوا مش حاسين لا بالقطر ولا بالمشوار .. زي ما يكونوا سافروا بيدوروا علي حاجة .. مستنيين تظهرلهم من اي ناحية في القطر .. و عند النوع دة من الوشوش .. اتأكدت ان اللي بنشوفه في ملامح الناس هو انعكاس للي جوانا .. قبل اي حاجة..