17230223_10210324952591634_734919412_o

اما الصورة دي, ف و انا باخدها حسيت ب كل حاجة و عكسها, او عشان نبعد عن الكليشيهات شوية, ف نقدر نقول اني حسيت ب خليط من كل حاجة ممكن شخص ارتبط بمكان يحس بيها, لما شوفت القاهرة من فوق حسيت بحماس  اني اخطي برجلي ف كل مبني انا عيني جايباه, و في نفس الوقت كان في نوستالجيا تجاه اماكن انا شايفاها من فوق و قضيت فيها لحظات عدت خلاص مع ناس انا عارفة مش هقابلها تاني, حسيت ب حب للارض دي و حسيت ب هروب .. طول عمري كنت متخيلة ان خريطة مصر هعلقها ف بيتي و  اني هزرع ف ولادي حماس اننا نزور كل تنتوفة فيها و بعد ما نرجع نعلق صورة لينا في المكان دة علي موقعه علي الخريطة.

حسيت ب اني مكتفية ب كل حاجة عيني شايفاها و حسيت برضو ب فضول تجاه اللي انا شابفاه, يا تري هخطي في كام مكان من دول في المستقبل؟ و هيكون عشان ايه؟و انا باخد الصورة دي .. حسيت ب حب للماضي وعلامات استفهام ع المستقبل, و حيرة مالية الحاضر

حيرة اقدر اختصرها بجملة واحدة بس .. الحاجات احلي من بعيد عشان بيكون لسة في مساحة نقدر نملاها باللي في خيالنا, قبل ما واقعها يملي كل حاجة حلوة رسمناها.